Duman tək itmisən xatirələrdə-
Xatirə dəftərin açım,açmayım?
Gözlərin əlindən uzaq Sibirə,
Isinmək üçün mən qaçım,qaçmayım?


Bəlkə geri dönə o gecə,o yaz,
Bəlkə yağış yağa bir də yenidən,
duzlu damlaları dodaqlarından
alıb taleyimə yazım,yazmayım?

Əllərin məzara salsın əlimi,
gözlərim gözündə boğulsun,batsın,
Neyləyim o anda zaman dayansın,
fələyin saatı qırılsın, yatsın?!